|
Երեւանի Ջոն Կիրակոսյանի անվան թիվ 20 դպրոցի մի խումբ աշակերտներ այսօր ներկայացրել են իրենց նախաձեռնությամբ պատրաստված սոցիալական տեսահոլովակն՝ ընդդեմ հեռուստասերիալների բացասական ազդեցության:
Աշակերտները ներգրավված են "Տարածաշրջանային նախաձեռնություն` հանուն երեխաների մասնակցության" ծրագրի շրջանակում հիմնված` "Երեխան երեխայի համար" մեթոդաբանությամբ գործող խմբերում: Ծրագրի շրջանակում երեխաներն արդեն իսկ սոցիալական հարցում են իրականացրել, պարզել են սերիալների բացասական ազդեցության չափաբաժինը եւ մշակել ծրագիր, որը հետագայում պետք է ներկայացվի Ազգային ժողով` օրենքով հեռուստաեթերի վատ ազդեցությունը կանխելու նպատակով: |
Ծրագիրը միաժամանակ իրականացվում է Հայաստանում, Վրաստանում եւ Ադրբեջանում:
"Աշխատում ենք 20 դպրոցի հետ, 10-ը` Երեւանում, 10-ը` մարզերում։ Ստեղծվել է 80 խումբ, որոնք կազմված են 25-30 երեխաներից՝ 14-18 տարեկան",- ասաց ծրագրի ղեկավար Աիդա Գեւորգյանը։ "Հարցման արդյունքները որոշ չափով էին գոհացնեղ։ Ավելի քան 100-ից մարդ է հարցվել եւ նրանց մի մասը կարծում է, որ սերիալներն ընդհանրապես վատ ազդեցություն չեն թողում երեխաների վրա, հակառակը՝ դրանք ուսուցանող են",- ասաց ծրագրի մասնակից Հակոբ Պարսամյանը։ |
Մամուլի Ասուլիսը ըստ ազատություն ռադիոկայանի
|
|
|
